![\"\"](\"https://www.aravot.am/2011/aravot_arm/May/6/p21.jpg\")
Ծանրամարտի աշխարհի չեմպիոն Նազիկ Ավդալյանը մոտ օրերս կսկսի քայլել: Այս մասին երեկ «Առավոտը» տեղեկացավ «Էրեբունի» բժշկական կենտրոնի վիրաբուժության գծով փոխտնօրեն Միքայել Մանուկյանից: Նա, մասնավորապես, ասաց. «Նազիկը վթարի ենթարկվել էր ապրիլի 26-ին եւ նույն օրը Գյումրիից տեղափոխվել «Էրեբունի» բժշկական կենտրոն: Այստեղ մեր մասնագետները մարզուհուն երկու օր նախապատրաստելով՝ ապրիլի 28-ին ողնաշարի բարդագույն վիրահատություն կատարեցին: Հետվիրահատական շրջանը նորմալ է ընթանում եւ, հավանաբար, առաջիկա մեկ-երկու օրերին նրան վերակենդանացման բաժանմունքից կտեղափոխենք հիվանդասենյակ: Հենց այդ ժամանակ էլ Նազիկը սկզբում արդեն կսկսի նստել, ապա՝ նաեւ քայլել»:
