![\"\"](\"https://www.aravot.am/2011/aravot_arm/May/6/p18.jpg\")
Ռուսաստանցի դատախազը պահանջել է փաստաբան Ստանիսլավ Մարկելովի եւ լրագրող Անաստասիա Բաբուրովայի սպանության մեջ մեղադրվող Նիկիտա Տիխոնովին (նկարում) դատապարտել ցմահ ազատազրկման: BBC-ի փոխանցմամբ, փաստաբանի սպանության գործով անցնող Եվգենի Խասսի համար դատախազը պահանջել է 20 տարվա ազատազրկման դատավճիռ: Մոսկվայի դատարանը, որտեղ ընթանում է դատական այս պրոցեսը, իր վճիռը կհրապարակի մայիսի 6-ին:
Հիշեցնենք, որ փաստաբան Ստանիսլավ Մարկելովն ու «Նովայա գազետա» թերթի լրագրող Անաստասիա Բաբուրովան սպանվել էին 2009թ. հունվարի 19-ին, Մոսկվայի կենտրոնական Պրեչիստենկա փողոցում:
