Ֆրանսիայի ոստիկանությունը Փարիզում ձերբակալել է ավելի քան 130 թունիսցի ներգաղթյալների: APA-ի փոխանցմամբ, ներգաղթյալների այդ խումբը վերջին մի քանի օրերին պատսպարվել էր երկրի մայրաքաղաքում գտնվող դատարկ մի շենքում: Ձերբակալություններն իրականացվել են հենց այն օրը, երբ միավորված Եվրոպայի՝ Շենգենյան համաձայնագրի անդամ երկրների միջեւ ներքին սահմաններում ժամանակավորապես վերականգնվել էր անձնագրային-վիզային ստուգման ռեժիմը: Այդ քայլին ակտիվորեն աջակցել էր հենց Ֆրանսիան՝ այն բանից հետո, երբ հունվարին Հյուսիսային Աֆրիկայից, մասնավորապես՝ Թունիսից, դեպի Եվրոպա ներգաղթյալների զանգվածային հոսք էր սկսվել: Իտալիան վերջիններիս Եվրոպայի տարածքում ազատ տեղաշարժվելու իրավունք էր տվել, իսկ Ֆրանսիան հրաժարվել էր նրանց թույլ տալ մուտք գործել իր տարածք:
