Երեկ Երեւանում տեղի է ունեցել հայտնի իրավագետներ Գեղեցիկ եւ Սասուն Գրիգորյանների «Պետության եւ իրավունքի տեսություն. շտապօգնություն ուսանողին» դասագրքի շնորհանդեսը: Ձեռնարկը շարադրված է պարզ եւ հանրամատչելի լեզվով, ինչպես նաեւ սկզբունքորեն տարբերվում է խորհրդային ժամանակներից ժառանգություն մնացած ավելորդ տեղեկություններով լի դասագրքերից: Շնորհանդեսի ընթացքում համահեղինակները նշեցին, որ հայերեն կարճ ու հստակ շարադրանքով ուսումնական գրականության պակասը, որպես կանոն, հանգեցնում է ուսանողի կողմից առարկայի հանդեպ հետաքրքրության նվազմանը: Հրատարակված ուսումնական դասընթացը Հայաստանում եվրոպական կրթական մշակույթի ներդրման փորձ է:
