![\"\"](\"https://www.aravot.am/2011/aravot_arm/May/6/p1.jpg\")
ՀՀ առաջին նախագահ, ՀԱԿ առաջնորդ Լեւոն Տեր-Պետրոսյանը նախորդ օրերին այցելել է իրենց քաղաքական հայացքների համար եւ մարտիմեկյան իրադարձությունների արդյունքում ազատազրկման վայրերում գտնվող Սասուն Միքայելյանին եւ Նիկոլ Փաշինյանին: Երեկ «Առավոտը» փորձեց
ճշտել՝ հնարավո՞ր է, որ առաջիկայում Լեւոն Տեր-Պետրոսյանն այցելի նաեւ մյուս քաղբանտարկյալներին, քանի որ առաջին նախագահի բարոյական աջակցությունը վերջիններիս էլ, թերեւս, չէր խանգարի: «Այժմ ես չեմ կարող պատասխանել այդ հարցին»,- «Առավոտին» ասաց ՀԱԿ մամուլի խոսնակ Արման Մուսինյանը: Հիշեցնենք, որ բացի վերոհիշյալ երկու գործիչներից, դեռեւս ազատազրկման վայրերում են գտնվում նաեւ Արա Հովհաննիսյանը, Շմավոն Գալստյանը, Սարգիս Հացպանյանը եւ Մուրադ Բոջոլյանը:
