![\"\"](\"https://www.aravot.am/2011/aravot_arm/May/5/p11.jpg\")
Պակիստանի իշխանությունները մտահոգություն են հայտնել ամերիկյան հատուկ նշանակության ուժերի չարտոնված գործողության առնչությամբ, որի ընթացքում մայիսի 2-ին սպանվեց «Ալ-Քաիդայի» առաջնորդ Ուսամա բեն Լադենը: «Ազատություն» ռ/կ մատուցմամբ, կառավարության հաղորդագրությունում նշված է, որ դա չպետք է նախադեպ դառնա Պակիստանի տարածքում Միացյալ Նահանգների հակաահաբեկչական հետագա գործողությունների համար: Ավելի վաղ Պակիստանի նախագահ Ալի Զարդարին հայտարարել էր, որ գործողությունը պակիստանյան կողմի հետ համատեղ չի անցկացվել: Միացյալ Նահանգների Կենտրոնական հետախուզական վարչության ղեկավար Լեոն Փանեթան ասել է, որ իրենք հրաժարվել են գործել պակիստանյան կողմի հետ համատեղ՝ գործողության իրականացումը հարվածի տակ չդնելու նկատառումներից ելնելով: Սպիտակ տան փոխանցմամբ, Միացյալ Նահանգները խոստանում է ճշտել, թե արդյո՞ք Պակիստանի իշխանությունները օգնում էին բեն Լադենին թաքնվել:
