ՀՖՖ մամուլի քարտուղարությունը տեղեկացնում է, որ ֆուտբոլի Հայաստանի մինչեւ 21 տարեկանների հավաքականը երեկվանից երկրորդ ուսումնամարզական հավաքն է անցկացնում Ֆուտբոլի ակադեմիայում: Հավաքը տեւելու է երկու օր: Թիմը նախապատրաստվում է Եվրոպայի 2013 թվականի առաջնության ընտրական մրցաշարի շրջանակներում հունիսի 7-ին կայանալիք Մոնտենեգրոյի ընտրանու հետ հանդիպմանը: Մեր հավաքականի գլխավոր մարզիչ Ռաֆայել Նազարյանը հավաքի հրավիրել է 25 թեկնածուի: Նրանք են.
Դարպասապահներ՝
Էդվարդ Հովհաննիսյան («Ուլիս»), Արսեն Պետրոսյան, Կարեն Իսրայելյան (երկուսն էլ՝ «Փյունիկ»), Կեւին Դոլմաջյան («Կանն», Ֆրանսիա):
Պաշտպաններ՝
Հովհաննես Համբարձումյան, Գագիկ Դաղբաշյան, Արգիշտի Պետրոսյան (բոլորն էլ՝ «Բանանց»), Վարազդատ Հարոյան, Տարոն Ոսկանյան (երկուսն էլ՝ «Փյունիկ»), Արտավազդ Բոյաջյան («Ուլիս»), Ալեն Համբարձումյան («Գանձասար»), Անդրանիկ Ոսկանյան («Միկա»):
Կիսապաշտպաններ՝
Սարգիս Կարապետյան, Նարեկ Գյոզալյան, Դավիթ Սուջյան, Վալտեր Պողոսյան, Բենիկ Հովհաննիսյան (բոլորն էլ՝ «Բանանց»), Գագիկ Պողոսյան, Կամո Հովհաննիսյան, Արտակ Ալեքսանյան (բոլորն էլ՝ «Փյունիկ»), Աշոտ Սարդարյան («Ժարվիլլ», Ֆրանսիա):
Հարձակվողներ՝
Նորայր Գյոզալյան («Բանանց»), Հովհաննես Հովհաննիսյան («Փյունիկ»), Գեւորգ Կարապետյան («Արարատ»), Էդգար Ջավագլյան (Լեհաստան):
Այսօր ֆուտբոլիստները երկկողմանի խաղ կանցկացնեն:
