«Առավոտը» երեկվա համարում անդրադարձել էր Չարբախում գտնվող թիվ 52 դպրոցի տնօրեն Լյուբա Բլեյանի գործունեությանը: Մեր տեղեկություններով՝ չնայած տիկին Լյուբան, ըստ ներկայացրած փաստաթղթերի, ծնվել է 1949 թվականին, սակայն թաղամասում այլ բան են խոսում նրա տարիքի վերաբերյալ. ասում են՝ փոխել է անձնագիրը, որպեսզի կարողանա վերապատրաստվել եւ մասնակցել դպրոցի տնօրենի մրցույթի մասնակցության համար անհրաժեշտ հավաստագրի ձեռքբերման քննություններին: «Առավոտի» հետ զրույցում տիկին Բլեյանը նշեց, որ իր մասին տարածված տեղեկությունները սուտ են: Իսկ երբ հարցրինք՝ այնուամենայնիվ, մասնակցելո՞ւ է հավաստագրման քննություններին, նա պատասխանեց. «Օրը կգա՝ կորոշեմ, բայց հավանաբար՝ ոչ»:
