Մայիսի 3-ին «Կոնվերս» բանկ ՓԲԸ-ում տեղի ունեցավ Նոր Նորք մասնաճյուղի աշխատակիցների եւ հերթապահ ոստիկանի պարգեւատրման արարողությունը։ Ցուցաբերած քաջության եւ բարձր պրոֆեսիոնալիզմի համար բանկի տնօրինությունը պատվոգիր եւ դրամական պարգեւ շնորհեց Նոր Նորքի ոստիկանության բաժնին կից պետական պահպանության բաժնի ոստիկան, ավագ սերժանտ Միքայել Հովսեփյանին։ Հիշեցնենք, որ մարտի 29-ին բանկի Նոր Նորքի մասնաճյուղի աշխատակիցների եւ հերթապահ ոստիկանի կողմից ցուցաբերված սառնասրտության եւ պրոֆեսիոնալիզմի շնորհիվ հաջողվել էր վնասազերծել զինված հարձակման միջոցով մասնաճյուղը կողոպտելու փորձը՝ չվտանգելով աշխատակիցների եւ հաճախորդների կյանքը։ Հաջորդ օրվանից իսկ բանկի մասնաճյուղի աշխատանքը վերականգնվել էր։
