Ապրիլի 24-28-ը Իրանում անցկացված Քիշի առաջին միջազգային կինոփառատոնում Հարություն Խաչատրյանի «Պոետի վերադարձը» ֆիլմն արժանացել է «Լավագույն ֆիլմ» գլխավոր մրցանակին: Բացի ռեժիսորից, Իրան էին հրավիրվել նաեւ օպերատոր Վրեժ Պետրոսյանը, կինոգետ Դավիթ Մուրադյանը եւ Կինոգործիչների միության նախագահ Ռուբեն Գեւորգյանցը: Քանի որ Հարություն Խաչատրյանը շուտ էր վերադարձել փառատոնից, մրցանակը ստացել է եւ իր հետ Հայաստան կբերի Ռուբեն Գեւորգյանցը:
