Եգիպտոսի արտգործնախարար Նաբիլ Արաբին (նկարում) Միացյալ Նահանգներին կոչ է արել պաշտպանել Պաղեստինի անկախ պետության հռչակման գաղափարը:
BBC-ի փոխանցմամբ, այդպիսի հայտարարություն եգիպտացի նախարարն արել է այն բանից հետո, երբ անցած շաբաթ պաղեստինյան ինքնավարության երկու հակամարտող ուժերը՝ ՖԱՏԽ-ն ու ՀԱՄԱՍ-ը Եգիպտոսի միջնորդությամբ հաշտության մասին պայմանավորվածություն են ձեռք բերել՝ համատեղ ժամանակավոր կառավարություն ձեւավորելու եւ համընդհանուր ընտրություններ անցկացնելու շուրջ: Արաբիի ասելով, մինչեւ վերջերս երկու թշնամական ուժերի միջեւ հաշտությունը մեկ քայլ առաջ է, եւ հիմա Վաշինգտոնը պետք է համոզի Իսրայելին՝ վերականգնել պաղեստինցիների հետ բանակցությունները: Ավելի վաղ ԱՄՆ-ն եւ Իսրայելը հայտարարել էին, թե մտադիր չեն որեւէ բանակցություն վարել Արեւմուտքի կողմից ահաբեկչական ճանաչված ՀԱՄԱՍ ծայրահեղական խմբավորման ներկայացուցիչների մասնակցությամբ: Երկու երկրներն էլ ակտիվորեն հանդես են գալիս պաղեստինյան իշխանությունների կողմից միակողմանիորեն անկախություն հռչակելու դեմ:
