Չարբախում գտնվող թիվ 52 դպրոցի տնօրեն Լյուբա Բլեյանը, ի թիվս այլ տնօրենների, ցանկանում է հավաստագրվել: «Առավոտի» տեղեկություններով, չնայած տիկին Լյուբան, ըստ ներկայացրած փաստաթղթերի ծնվել է 1949 թվականին, սակայն թաղամասում այլ բան են խոսում նրա տարիքի վերաբերյալ. ասում են՝ փոխել է անձնագիրը, որպեսզի կարողանա վերապատրաստվել եւ մասնակցել հավաստագրման իրավունքի ձեռքբերման քննություններին: Երեկ տնօրենի հետ կապվել չհաջողվեց, որովհետեւ աշխատանքային օրն ավարտվել էր: Ամեն դեպքում, պատրաստ ենք տպագրել նաեւ նրա մեկնաբանությունը:
