![\"\"](\"https://www.aravot.am/2011/aravot_arm/April/29/p21.jpg\")
Բահրեյնի զինվորական դատարանը երկրում հակակառավարական ցույցների չորս մասնակցի դատապարտել է մահապատժի՝ երկու ոստիկանների սպանելու մեղադրանքով: BBC-ի փոխանցմամբ, եւս երեք հոգի, որոնք անցել են այս նույն գործով, դատապարտվել են ցմահ ազատազրկման: Բոլոր 7 ամբաստանյալներին առաջադրված է եղել պետական մարմինների ներկայացուցիչներին՝ կանխամտածված սպանության մեղադրանք: Իրավապաշտպանները պնդում են, որ կալանավորվածները չեն կարողացել կապ հաստատել իրենց հարազատների եւ մտերիմների հետ, նաեւ սահմանափակ հնարավորություն են ունեցել իրավական աջակցություն ստանալու հարցում: Տեղի ունցած դատավարությունը մարտի կեսերին թագավորությունում ռազմական դրություն հայտարարելուց հետո առաջինն էր, որի մասին բացեիբաց հայտարարվել է:
