Ինչպես տեղեկանում ենք «Արմենպրեսից», հայաստանցի գրոսմայստեր Լեւոն Արոնյանը պրոֆեսիոնալ շախմատիստների ասոցիացիայի կողմից ճանաչվել է աշխարհի լավագույն շախմատիստը ամենաբարձր՝ 2119 միավոր վարկանիշով: Ինչպես «Արմենպրես»-ին տեղեկացրին Հայաստանի շախմատի ֆեդերացիայում, 2-րդ տեղում է Հիկարու Նակամուրան՝ ԱՄՆ-ից, 3-րդն ուկրաինացի Վասիլի Իվանչուկն է:
Պրոֆեսիոնալ շախմատիստների ասոցիացիան արդեն երրորդ անգամ է լավագույնը ճանաչում Լ. Արոնյանին, ով ներկայում ավարտում է Հայաստանում իր ուսումնամարզական հավաքը՝ նախապատրաստվելով մայիսին Ռուսաստանի Դաշնության Կազան քաղաքում մեկնարկող շախմատի աշխարհի չեմպիոնի տիտղոսի հավակնորդների մրցաշարին:
