![\"\"](\"https://www.aravot.am/2011/aravot_arm/April/29/p9.jpg\")
Երեկ ԿԲ նախագահ Արթուր Ջավադյանը հայտարարել է, որ եթե Կենտրոնական բանկի աշխատակիցների մասին էպիտետներով խոսող այդ մարդը (խոսքը ՀՀ նախկին վարչապետ Հրանտ Բագրատյանի մասին է) ներողություն չխնդրի, ապա իրենք՝ ԿԲ-ն, կդիմեն դատարան: ԿԲ նախագահին վիրավորել էր «պրոֆեսիոնալ կլիմաքս ապրող մասնագետի» տված որակումները իր աշխատակցի հասցեին: Հիշեցնենք, որ նախորդ օրվա ասուլիսում Հրանտ Բագրատյանը ԿԲ վարչության պետերից մեկի մասին ասել էր «պաթոլոգիական ապուշ»: Նա, մասնավորապես, ասել էր, թե «միայն պաթոլոգիական ապուշը կարող է հայտարարել, որ միջազգային շուկաներում ընթացող զարգացումները 2010թ., ընդհանուր առմամբ, դրական են անդրադարձել Հայաստանի ֆինանսական կայունության վրա»:
