Եմենի իշխանություններն ու ընդդիմությունը երեկ պատրաստվում էին մեկնել Սաուդյան Արաբիայի մայրաքաղաք՝ Էր-Ռիադ, ստորագրելու ճգնաժամից դուրս գալու մասին համաձայնագիրը: Այդ մասին հաղորդում է «Ազատություն» ռ/կ-ն: Պարսից ծոցի մի շարք արաբական երկրների ներկայացուցիչների կազմած համաձայնագրի նախագծով նախատեսվում է Եմենի նախագահ Ալի Աբդուլա Սալեհի հրաժարականը՝ նրա անձեռնմխելիության պահպանմամբ: Համաձայն փաստաթղթի, Սալեհը պետք է թողնի պաշտոնը՝ ազգային համաձայնության կառավարության ձեւավորումից մեկ ամիս անց: Հիշեցնենք, որ Եմենի նախագահ Ալի Աբդուլա Սալեհը համաձայնել է հրաժարական տալ 30-օրյա անցումային ծրագրի շրջանակներում, որի նպատակն է վերջ դնել նրա արդեն 32 տարի շարունակվող կառավարման դեմ բողոքի ակցիաներին ու հուզումներին, որոնց ընթացքում առնվազն 120 մարդ է զոհվել:
