Հակադոպինգային համաշխարհային կազմակերպությունը՝ ՎԱԴԱ-ն, շարունակում է պայքարը արգելված խթանիչների օգտագործման դեմ, եւ այդ պայքարում վաղեմության ժամկետ գոյություն չունի: «Առավոտին» հասած տեղեկությունների համաձայն, որոնք դեռ վերջնական ճշգրտման կարիք ունեն, վերջերս ՎԱԴԱ-ն կազմել է անցած տարվա սեպտեմբերին Անթալիայում կայացած ծանրամարտի աշխարհի առաջնությունում դոպինգ օգտագործած ծանրորդների շուրջ 15 հոգուց բաղկացած մի ցուցակ, որտեղ ընդգրկվածների նկատմամբ, երկրորդ սրվակի ստուգումներից հետո, եթե դրանք էլ դրական արդյունք ցույց տան, համապատասխան պատժամիջոցներ կկիրառվեն: Մեր տեղեկություններով՝ այդ ցուցակում հայաստանցի ծանրորդների անուններ չկան:
