![\"\"](\"https://www.aravot.am/2011/aravot_arm/April/27/p19.jpg\")
Reuters-ի մատուցմամբ, Ֆրանսիան ու Իտալիան ուզում են բարեփոխել Շենգենյան պայմանագիրն ու ամրապնդել Եվրամիության Frontex-ը, որը ապահովում է սահմանների արտաքին անվտանգությունը: Երեքշաբթի օրն այդ մասին հայտարարել է Ֆրանսիայի նախագահ Նիկոլա Սարկոզին: «Մենք ուզում ենք, որ Շենգենը գոյություն ունենա, բայց որպեսզի այն գոյություն ունենա՝ պետք է բարեփոխվի»,- Հռոմում հայտարարել է Սարկոզին: Ֆրանսիայի նախագահն այդ հայտարարությամբ հանդես է եկել Իտալիայի վարչապետ Սիլվիո Բերլուսկոնիի հետ խորհրդակցության ավարտին: Խորհրդակցությունը, ի դեպ, նվիրված է եղել հյուսիսաֆրիկացի ներգաղթյալների նկատմամբ վերաբերմունքի մեղմացմանը:
