ՍԴՀԿ Սարգիս Տխրունի ուսանողական միությունը բաց նամակ է հղել Երեւանի քաղաքապետ Կարեն Կարապետյանին, որտեղ առաջարկել է ուշադրության կենտրոնում պահել ուսանողության խնդիրները: «Հնարավորության պարագայում կարելի է անվճար կամ էլ շատ ավելի ցածր սակագին սահմանել Երեւանի վարչական շրջաններում բնակվող բոլոր այն ուսանողների համար, ովքեր օգտվում են հասարակական տրանսպորտից: Կամ էլ, պայմանավորվել համալսարանների ղեկավարության հետ եւ մի քանի տասնյակ ավտոբուսներ գնելով՝ հնարավորություն ընձեռել ուսանողներին անվճար բուհեր հասնել: Այս կերպ դուք նաեւ կլուծեք մեկ այլ՝ քաղաքական խնդիր: Կատարելով նման սոցիալական ծրագիր, կզրկեք շատ քաղաքական կուսակցությունների ուսանողներին անվճար այստեղ-այնտեղ տեղափոխելով՝ քաղաքական դիվիդենդներ շահելու վաղեմի եւ արդեն «ավանդույթ» դարձած հնարավորությունից՝ ուսանողությանը զերծ պահելով քաղաքական շահարկումներից»:
