Կենտրոնականի բաժնում հաղորդում էր ստացվել, որ իրենց է զանգել մի քաղաքացուհի եւ հայտնել, որ դիմակավորված 2 անձինք փորձում են «Օրխիդեա» խանութից գողություն կատարել: Ոստիկանության ծառայողները Տերյան փողոցի թիվ 62 շենքի նկուղից, գողություն կատարելու կասկածանքով, բերման են ենթարկել 26-ամյա Արսեն Խ.-ին եւ 26-ամյա Արթուր Հ.-ին, որոնց մոտ հայտնաբերվել է 2 զույգ կաշվե ձեռնոց եւ 2 դիմակ:
Պարզվել է, որ նրանք գիշերը, դռան ապակին կոտրելով, Տերյան փողոցում գտնվող արծաթյա զարդերի խանութից գողացել են արծաթյա զարդեր, իսկ Բայրոնի փողոցում գտնվող երկու գեղեցկության սրահներից, պատուհանը բացելով՝ վարսահարդարման պարագաներ, ձայնագրիչ եւ այլ իրեր: Արսեն Խ.-ն եւ Արթուր Հ.-ն ձերբակալված են:
