![\"\"](\"https://www.aravot.am/2011/aravot_arm/April/26/p19.jpg\")
Աֆղանստանի Քանդահար քաղաքի բանտից փախել է 476 բանտարկյալ, հաղորդում է news.am-ը՝ վկայակոչելով France-Presse-ը:
Փախուստը կազմակերպելու համար դատապարտյալները մի քանի հարյուր մետրանոց թունել են փորել, որով էլ լքել են բանտի տարածքը: Աֆղանստանի իշխանությունները չեն բացահայտում փախուստի մանրամասները:
«Թալիբան» շարժման ներկայացուցիչ Յուսուֆ Ահմադին իր հերթին հաղորդագրություն է տարածել, որում նշել է, թե բանտից բոլոր փախածները եղել են թալիբներ:
Հիշեցնենք, որ 2008թ. հունիսին Քանդահարի բանտից փախել էր մոտ 1150 բանտարկյալ: Այն ժամանակ բանտը գրոհով վերցրել էին «Թալիբան» շարժման գրոհայինները, ձերբակալվածներից 400-ը թալիբներ էին: Գրոհի ժամանակ զոհվել էր 15 պահապան:
