Ինչպես ամեն տարի, այս անգամ էլ Մեծ եղեռնի զոհերի հիշատակին նվիրված արարողություններն Արագածոտնի մարզում մեկ օրով չսահմանափակվեցին:
Արագածոտնի մարզպետարանից տեղեկացանք, որ նախքան ապրիլի 24-ը կազմակերպվել են հուշ-երեկոներ, բարձր դասարանների աշակերտները շարադրություններ են գրել, լավագույններն արժանացել խրախուսանքների:
Ավանդույթի համաձայն, Ուջանի բնակիչները գյուղի հարակից բլրի վրա խարույկ են վառել:
Աննախադեպ էր «Հայդուկ» հասարակական կազմակերպության (նախագահ՝ Նաիրի Սահակյան) կազմակերպած երթը՝ Աշտարակից Երեւան՝ ի դատապարտումն ամոթալի ոճրագործության եւ հայերի ցեղասպանությունը ընդունելու պահանջով:
