Ապրիլի 24-ին Սյունիքի մարզկենտրոն Կապանում, ինչպես ամեն տարի, ինչպես հայերը ողջ աշխարհում, մարդիկ հարգանքի տուրք մատուցեցին Հայոց մեծ եղեռնի անմեղ զոհերի հիշատակին՝ քաղաքի Բաղաբուրջ թաղամասում գտնվող հուշահամալիրում:
2010 թվականին, ծնունդով կապանցի, մանկավարժ Լիդա Դավթյանի շնորհիվ Դեր-Զորից այստեղ են բերվել ցեղասպանության նահատակների ոսկորներ եւ հատուկ արարողակարգով հանձնվել հողին:
Ապրիլի 24-ին կապանցիները հարգանքի տուրք են մատուցում նաեւ ղարաբաղյան շարժման զոհերի հիշատակին, քանի որ 19 տարի առաջ հենց ապրիլի 24-ին թշնամին առաջին անգամ գնդակոծեց Կապան քաղաքը:
Իսկ այսօր եւ վաղը Սյունիքում կնշեն Գարեգին Նժդեհի 125 եւ Լեռնահայաստանի 90-ամյակները: Նախատեսված են այց Նժդեհի շիրիմին, գիտաժողով, համերգ:
