ՀՀ ոստիկանության օպերատիվ հաղորդագրությունների համաձայն, ապրիլի 12-22-ն ընկած ժամանակահատվածում հանրապետությունում արձանագրված սպանության 1 եւ սպանության փորձի 2 դեպքերն էլ բացահայտվել են: Արձանագրված մարմնական վնասվածք հասցնելու 83 դեպքից բացահայտվել է 77-ը, խարդախության 40 դեպքից՝ 38-ը, իսկ խուլիգանության 11 դեպքն էլ բացահայտվել է: Բացահայտվել է նաեւ գողության 77 եւ կողոպուտի 2 դեպք: Նույն ժամանակահատվածում նախկինում կատարված հանցագործություններից բացահայտվել է մարմնական վնասվածք հասցնելու՝ 9, գողության՝ 10, խարդախության՝ 4 եւ ավազակային հարձակման ու խուլիգանության՝ 1-ական դեպք: Անցած 10 օրում հանրապետությունում արձանագրվել է ճանապարհատրանսպորտային 55 պատահար. 9 մարդ զոհվել է, 75-ը՝ ստացել մարմնական վնասվածքներ:
