Ապրիլի 21-ին հայ-ադրբեջանական սահմանային տարածքի չեզոք գոտում մարմնական վնասվածքներ է ստացել Տավուշի մարզի Բերդի տարածաշրջանի սահմանամերձ Չինարի գյուղի բնակիչ՝ 39-ամյա Արամայիս Հովակիմյանը: Նա գնացել է սահմանամերձ հայկական տարածքում բանջար (ծնեբեկ) քաղելու, սակայն պայթել է հակահետեւակային ականի վրա: Արամայիս Հովակիմյանին տեղափոխել են Բերդ քաղաքում գտնվող զինվորական հոսպիտալ: Հոսպիտալի գլխավոր բժիշկ Էդուարդ Գրիգորյանը հայտնեց, որ Հովակիմյանին վիրահատել են, նրա աջ ոտքի ստորին մասն անդամահատվել է: Ներկայումս վիրավորի վիճակը բավարար է:
