Երեկ ժողարվեստի թանգարանում կայացավ ժողովրդական վարպետ, արծաթագործ Կառլեն Քոսայանի «Վերակերպումներ» խորագրով անհատական ցուցահանդեսի բացման արարողությունը: Ներկայացված էր վարպետի ողջ ստեղծագործական կյանքի ընթացքում կատարած աշխատանքների մեծ մասը, որոնք բերվել էին Ֆրեզնո քաղաքից, որտեղ հեղինակը բնակվել էր երկար տարիներ: Կառլեն Քոսայանն իր գործերն անվանակոչել է հին հայկական գավառների ու մայրաքաղաքների անուններով, որի միջոցով ցանկացել է աշխարհին պատմել հայերի ու Հայաստանի մասին: Քոսայանը նշեց, որ հենց այս ցուցասրահում է 40 տարի առաջ կայացել իր առաջին ցուցահանդեսը:
