Օրական 3 բանանը կարող է զգալիորեն նվազեցնել քաղցկեղի առաջացման վտանգը, հայտարարում են բրիտանացի եւ իտալացի գիտնականները: Այն կհարստացնի սննդակարգը կալիումով` դրանով իսկ նվազեցնելով ուղեղում թրոմբների առաջացման հավանականությունը՝ 21%: Մասնագետների կարծիքով՝ հարյուրավոր ինսուլտներ հնարավոր կլիներ կասեցնել պարզապես սննդակարգը փոխելով: Բացի բանանից, ճնշումը կարգավորել կօգնեն նաեւ ընկույզը, սպանախը, կաթը եւ ոսպը:
«Journal of the American College of Cardiology» ամսագիրը ներկայացրել է 11 տարբեր հետազոտությունների վերլուծություններ: Գիտական աշխատանքի արդյունքը հետեւյալն է. ամեն օր 1600 մգ կալիումի օգտագործումը բավական է ինսուլտի առաջացման հավանականությունը 1/5-ով կրճատելու համար:
Կալիումի պակասը կարող է առաջացնել սրտի արագ աշխատանք, նյարդայնություն, սրտխառնոց եւ լուծ: Ուորվիքի եւ Նեապոլի համալսարանների մասնագետները նշում են, որ շատ երկրներում մարդկանց մոտ կալիումի պակաս կա: Եթե չլիներ այդ պակասը, եւ եթե մարդիկ կրճատեին աղի օգտագործումը, հնարավոր կլիներ մոտ 1 միլիոնով կրճատել ինսուլտների քանակը:
