«Boeing 737» ինքնաթիռը, որում եղել է Միացյալ Նահանգների առաջին տիկին Միշել Օբաման, ստիպված է եղել ընդհատել վայրէջքը Վաշինգտոնի օդանավակայանում, ենթադրաբար՝ ցամաքային ծառայության դիսպետչերի սխալի պատճառով: BBC-ի մատուցմամբ, վայրէջք կատարելիս Միշել Օբամայի ինքնաթիռը 5 կմ-ից պակաս հեռավորության վրա է եղել ԱՄՆ ռազմաօդային ուժերին պատկանող ինքնաթիռից՝ այն դեպքում, երբ ԱՄՆ քաղաքացիական ավիացիայի դաշնային ծառայության նորմատիվների համաձայն, նույն օդանավակայանում վայրէջք կատարող ինքնաթիռների միջեւ տարածությունը պետք է լինի ոչ պակաս, քան՝ 8 կմ: Դա համարվել է վտանգավորության աստիճանի մոտ հեռավորություն, եւ առաջին տիկնոջ՝ արդեն վայրէջք կատարող ինքնաթիռի անձնակազմին հրամայվել է դադարեցնել վայրէջքն ու երկրորդ շրջան անել: Ի վերջո, երկու ինքնաթիռներն էլ օդանավակայանում բարեհաջող վայրէջք են կատարել:
