Դատապարտյալ Վիգեն Նավասարդյանը տառապում է լյարդի ցիռոզով, որովայնում էլ հեղուկ է հավաքվում: Դատապարտյալի հիվանդությունները դասվում են ծանր հիվանդությունների շարքին, ինչը վաղաժամկետ ազատման հիմք կարող էր դառնալ:
7 տարվա ազատազրկման դատապարտված Նավասարդյանը, որը ազատազրկման վայրում անցկացրել է 4 տարի, ներկայումս գտնվում է արդարադատության նախարարության «Դատապարտյալների հիվանդանոց» քրեակատարողական հիմնարկում: Վարչակազմը դրական բնութագրով նրան ներկայացրել է վաղաժամկետ ազատման հանձնաժողով, սակայն դատարանը մերժել է, հաշվի առնելով Նավասարդյանի կատարած հանցանքը (ավազակային հարձակում):
Սա առաջին դեպքը չէ, երբ դատարանները հաշվի չեն առնում ՔԿՀ վարչակազմերի եւ հանձնաժողովի որոշումները եւ մեղադրական որոշումներ են կայացնում:
