![\"\"](\"https://www.aravot.am/2011/aravot_arm/April/19/p17.jpg\")
Թուրքիայի պետնախարար Զաֆեր Չաղլայան (նկարում) հայտարարել է, որ Թուրքիան ապագայում արտադրելու է սեփական ուղղաթիռներ եւ ինքնաթիռներ: Այդ մասին հաղորդում է panarmenian.net-ը՝ վկայակոչելով թուրքական TRT Russian-ը: «Առաջին անգամ Թուրքիայի պատմության մեջ մենք սկսելու ենք հայրենական ուղղաթիռների արտադրությունը 2013-ին, իսկ 2020-ին՝ հայրենական ինքնաթիռների»,- ասել է Զաֆեր Չաղլայան՝ հավելելով, որ ողջ Անատոլիան ծածկվելու է ճեպընթաց գնացքների ցանցով: Խոսելով տնտեսության եւ արդյունաբերության հատվածի զարգացման մասին՝ նախարարը հայտարարել է, որ երկաթուղային ցանցի միջոցով Թուրքիայում ամենահեռավոր բնակավայրերի միջեւ հեռավորությունը տեւելու է 6-7 ժամ:
