Ապրիլի 16-ին, ժամը 12.31-ին տեղեկատվություն է ստացվել, որ Երեւան քաղաքի Սեւանի փողոցում՝ «Սառցակոմբինատի» հարակից տարածքում, տեղի է ունեցել դժբախտ պատահար եւ անհրաժեշտ է փրկարարների օգնությունը:
Դեռեւս չպարզված հանգամանքներում «Օսալա Ջիլառ» ընկերությանը պատկանող «Վոլվո» մակնիշի 31 Էյ Դի 308 պետհամարանիշի բեռնատար ավտոմեքենայի անվադողը փոխելիս ամբարձիկը տեղաշարժվել է, ինչի հետեւանքով վարորդ, Թուրքիայի քաղաքացի, 1964թ. ծնված Յուլմազ Բեշիրի ոտքը մնացել է բեռնատարի տակ: Տուժածը դուրս է բերվել եւ տեղափոխվել «Էրեբունի» բժշկական կենտրոն:
