![\"\"](\"https://www.aravot.am/2011/aravot_arm/April/19/p1.jpg\")
Երեկ, ժամը 17.00-ի սահմաններում, Նալբանդյան-Թումանյան խաչմերուկում իրար էին բախվել ԲՄՎ X 5 մակնիշի 13 ՏՏ 769 համարանիշի եւ «Տոյոտա» մակնիշի ավտոմեքենաները։ Դեպքի վայր ժամանած ճանապարհային ոստիկանների թիվ 1 խնդիրը եղավ այն, որ «Տոյոտա»-ի վրայից հանվեցին 001 ՈՍ 01 համարանիշները (ինչն օրենքով արգելվում է)։ «Տոյոտան» սպասարկում է ՀՀ ոստիկանապետ, ոստիկանության գեներալ-լեյտենանտ Ալիկ Սարգսյանին։ Վթարի արդյունքում խցանում էր առաջացել, իսկ այն վերացնելու համար դեպքի վայր էին ժամանել ճանապարհային ոստիկանության 3-4 ավտոմեքենաներ։ Գրեթե 40-50 րոպե տեսնելով, որ ապահովագրական ընկերությունները ուշանում են, վթարի ենթարկված ավտոմեքենաների վարորդները նյարդայնացած հեռացան։
