![\"\"](\"https://www.aravot.am/2011/aravot_arm/April/16/p15.jpg\")
Արեւմտյան լրատվամիջոցների տեղեկություններով, Սիրիայում երեկ ուրբաթօրյա աղոթքից հետո վերսկսվելու էին բողոքի նոր ակցիաներ: Այդ մասին հաղորդել է «Ազատություն» ռ/կ-ն: Նախագահ Բաշար ալ-Ասադը նախօրեին ներկայացրել է կառավարության նոր կազմը եւ երկրում ստեղծված լարված իրավիճակը մեղմելու համար հրամայել է ազատ արձակել վերջին շրջանում հակակառավարական ցույցերի ընթացքում կալանավորված անձանց:
Մինչ սիրիական պետական լրատվական գործակալությունները տեղեկացնում են կալանավորվածներին ազատ արձակելու մասին, իրավապաշտպան կազմակերպությունները բարձրաձայնում են Դերաա քաղաքում նոր ձերբակալությունների մասին: Սիրիական իրավապաշտպան կազմակերպություններից մեկի տվյալներով, երկրում հակակառավարական ցույցերի մասնակիցների եւ անվտանգության ուժերի միջեւ բախումների հետեւանքով ավելի քան 200 մարդ է սպանվել:
