![\"\"](\"https://www.aravot.am/2011/aravot_arm/April/16/p14.jpg\")
BBC-ի փոխանցմամբ, ՄԱԿ-ի միջազգային դատարանը երկու խորվաթ գեներալների մեղավոր է ճանաչել 1995թ.-ին Խորվաթիայում տեղի ունեցած պատերազմի ընթացքում սերբերի նկատմամբ կատարված ռազմական հանցագործությունների մեջ: Հաագայի դատարանը որոշում է կայացրել՝ գեներալներ Անտե Գոտովինան (նկարում) ու Մլադեն Մարկաչը մեղավոր են սպանությունների եւ սեփականության ոչնչացումների մեջ: Ըստ այդմ, Գոտովինան դատապարտվել է՝ 24, իսկ Մարկաչը՝ 18 տարվա ազատազրկման:
Դատավարությանը ներգրավված թվով երրորդ գեներալը՝ Իվան Չերմակը, արդարացվել է նրան առաջադրված մեղադրանքների բոլոր կետերով:
Նախօրեին Խորվաթիայի տարբեր քաղաքներում մեծ էկրաններ են տեղադրված եղել՝ գեներալների նկատմամբ Հաագայի դատարանի վճռի հրապարակմանը ուղիղ եթերում հետեւելու համար:
Իսկ Զագրեբում մարդկանց հոծ զանգվածներ մասնակցել են երեկոյան պատարագին եւ աղոթել գեներալների համար, որոնք իրենց հայրենիքում ընկալվում են որպես հերոսներ:
