![\"\"](\"https://www.aravot.am/2011/aravot_arm/April/15/p11.jpg\")
Լուսանկարը արվել է Արմավիրի մարզի Լեռնագոգ գյուղի դպրոցի պատուհաններից մեկից: Գյուղը երիզող բլուրներից մեկի վրա լեռնագոգցիները քարերով «նկարել» են Սիս ու Մասիս ու գրել 1915: Պատկերը նոր չի արվել, տարիների պատմություն ունի: Առաջին տարին չէ, որ ապրիլի լույս 24-ի գիշերը Լեռնագոգի բլուրների գագաթներին խարույկներ են վառվում՝ ի հիշատակ 1915 թվականի ցեղասպանության զոհերի: Խարույկներ վառում են նաեւ հարեւան գյուղերը: Հայ-թուրքական սահմանից ոչ այնքան հեռու, ծնունդով սասունցիների ժառանգներով բնակեցված գյուղերում վստահ են, որ իրենց խարույկների կրակը թուրքերը տեսնում են:
Այս տարի ապրիլի 24-ին Լեռնագոգի Սիս ու Մասիսը այլ բաղադրիչով կհամալրվի: Բլրի ստորոտից մինչեւ գագաթ քարերով 151 աստիճան կշարվի՝ ի հիշատակ ցեղասպանության 1,5 միլիոն զոհերի եւ Հրանտ Դինքի:
