Մեծ Բրիտանիայի արտգործնախարար Ուիլյամ Հեյգը հաղորդել է, որ Եվրոպական միությունը մտադիր է նոր պատժամիջոցներ կիրառել Իրանի դեմ:
Հեյգի խոսքով, լրացուցիչ պատժամիջոցները վերաբերում են իրանցի 32 պաշտոնյաների, որոնք մեղսակից են ընդդիմադիր ակտիվիստների եւ լրագրողների ձերբակալություններին եւ հետապնդումներին, մարդու իրավունքների խախտումներին: Այդ մասին հաղորդում է news.am-ը:
Հիշեցնենք, որ ապրիլի 12-ին Լյուքսեմբուրգում ընթանում էր ԵՄ երկրների արտաքին քաղաքական գերատեսչությունների ղեկավարների խորհրդակցությունը: Իսկ ավելի վաղ՝ դեռ մարտի սկզբին, ԱՄՆ նախագահ Բարաք Օբաման հայտարարել էր եւս մեկ տարով Իրանի դեմ 1995թ. մտցված պատժամիջոցները երկարաձգելու մասին:
