Մարտի 14-ին ոստիկանության Տավուշի բաժնում հաղորդում էր ստացվել, որ Այգեձոր գյուղի 35-ամյա բնակիչ Աշոտ Երեմյանը մարտի 5-ի առավոտյան ավանակով ուղեւորվել է հայ-ադրբեջանական սահմանային գոտուց մոտ 700-800 մետր հեռավորության վրա գտնվող հանդամաս՝ անասնակեր տեղափոխելու, սակայն նա տուն չի վերադարձել, իսկ ավանակին զինվորականները հայտնաբերել են սահմանային գոտում:
Երեկ ՀՀ ոստիկանության ՏՎ-ից տեղեկացրին, որ նախորդ օրը, ժամը 17.15-ին, ոստիկանության Տավուշի բաժնի ծառայողները Այգեձոր գյուղի «Մանուկ» կոչվող սարամասում հայտնաբերել են Ա. Երեմյանի դիակը՝ դեմքին վայրի թռչունների ճիրաններից առաջացած քերծվածքների հետքերով:
Նշանակվել է դատաբժշկական փորձաքննություն:
