«Ժառանգություն» խմբակցության ներկայացուցիչները երեկ վերջապես դադարեցրին բոյկոտը եւ վերադարձան խորհրդարան եւ հանդես եկան հայտարարություններով: «Ժառանգության» վերադարձին արձագանքելով՝ Հանրապետական Կարեն Ավագյանն ասաց. «Այսօր մենք ականատես ենք լինում պառլամենտական ծոմի դադարեցման»: Արմեն Մարտիրոսյանը՝ խոսելով այն մասին, որ «ԸՕ»-ում փոփոխությունները քննարկվեցին այն օրերին, երբ «Ժառանգությունը» բոյկոտել էր խորհրդարանական աշխատանքները, հայտարարեց, որ այդ փոփոխությունները չեն կարող լեգիտիմ լինել: Ի պատասխան՝ ստացավ ԱԺ նախագահ Հովիկ Աբրահամյանի դիտողությունը. «Եթե դուք չեք մասնակցել քննարկմանը, ուրեմն լեգիտի՞մ չէ, լավ չէ, պարոն Մարտիրոսյան»:
