«Կասպերսկու լաբորատորիան» ներկայացրել է մարտ ամսվա վիրուսային ակտիվությունը, որի համաձայն՝ Ճապոնիայի ողբերգությունը չարագործներն օգտագործել են իրենց նպատակներով։ Խաբեբաներն ու վիրուս գրողները տարածել են վնասակար հղումներ՝ «թարմ նորություններ Ճապոնիայից» անվան տակ, ուղարկել են նամակներ, որտեղ խնդրվում է օգնություն ցուցաբերել տուժածներին ու գումար ուղարկել չարագործների հաշվեհամարին։ Սպամերական նամակներից մեկում եղել է մի հղում, որով անցնելու դեպքում կատարվել է «drive-by» հարձակում էքսփլոյթ-փակերի օգնությամբ։ Հաջող հարձակումից հետո օգտագործողի համակարգիչ է ներթափանցել «Trojan-Downloader.Win32.CodecPack»-ը։
Իսկ կեղծ կայքերից մեկում օգտագործողին առաջարկվել է բեռնել տեսահոլովակ Ճապոնիայում կատարվելիքի մասին, սակայն տեսանյութի փոխարեն բեռնվել է «բեքդոր» (backdoor)։
