Գերմանիայի մայրաքաղաքում ընթացող սպորտային մարմնամարզության Եվրոպայի առաջնությունում Հայաստանը ներկայացնող Հարություն Մերդինյանը եւ Արթուր Դավթյանը հաջողությամբ հաղթահարելով նախնական փուլի արգելքը՝ մտել էին եզրափակիչ:
Նժույգաթափքերում որակավորման մրցումներում հինգերորդ տեղով ուժեղագույնների հետ պայքարելու իրավունք նվաճած Հարությունը 14,950 միավորով, ի վերջո, դարձավ Եվրոպայի առաջնության բրոնզե մեդալակիր: Արթուրը, որ մասնակցում էր բազմամարտին, նախնական փուլում զբաղեցրեց 25-րդ հորիզոնականը, սակայն, քանի որ նրանից ավելի բարձր տեղեր գրաված երեք մարմնամարզիկներ վնասվածք էին ստացել, հայ մարմնամարզիկին եւս եզրափակչում հանդես գալու իրավունք ընձեռվեց, ու նա պայքարն ավարտեց 20-րդ տեղում:
