Շաբաթ օրը Ծաղկաձորում կազմակերպվել էր հանդիպում՝ ոստիկանության համակարգի եւ տպագիր մամուլի, էլեկտրոնային թերթերի ներկայացուցիչների հետ: Նախաձեռնողը ոստիկանության տեղեկատվության վարչությունն էր՝ պետի ժամանակավոր պաշտոնակատար Աշոտ Ահարոնյանի գլխավորությամբ:
Լրատվամիջոցների բարձրացրած հարցերն էին օպերատիվ տեղեկատվության տրամադրումը, մասնավորապես՝ հրամանների, հաղորդումների, ծառայողական քննությունների, նախաքննության որոշակի փուլում նախաքննական գաղտնիք չպարունակող փաստաթղթերի: Խոսվեց նաեւ լրագրողների մասնագիտական գործունեությունը խոչընդոտող ոստիկանների գործողությունների մասին: Այս կապակցությամբ տեղեկացանք, որ ՏՎ-ի կողմից պատրաստվել է ուղեցույց, որը տրամադրվելու է ոստիկաններին, որպեսզի նրանք իմանան, թե ինչ իրավունքներ ու պարտականություններ ունեն լրագրողները, նաեւ՝ իրենք: Մինչ այդ՝ հանդիպումը վարում էր ոստիկանապետի տեղակալ Արթուր Օսիկյանը, որին հետագայում միացավ նաեւ ՀՀ ոստիկանապետ Ալիկ Սարգսյանը: Բավականին խոստումնալից էր նրա խոսքը`“ հրամանների, ծառայողական քննությունների, պաշտոնական կայքէջի փոփոխության հետ կապված:
