Մայիսի 4-ին Ֆրանսիայի խորհրդարանի վերին պալատի՝ Սենատի օրակարգում կներառվի Հայոց ցեղասպանության ուրացման համար քրեական պատասխանատվություն նախատեսող օրինագիծը, ըստ «Արմինֆո»-ի, հաղորդում է պոլսահայերի «Հայթերթ» կայքը: Կայքը նաեւ հիշեցնում է, որ 2006 թվականին Ֆրանսիայի Ազգային ժողովի ընդունած վերը նշված օրինագիծն արդեն հինգ տարի Սենատի օրակարգում չի ներառվել: Այդ օրինագիծն ունի հակառակորդներ ինչպես ֆրանսիացի պատմաբանների շրջանում, այնպես էլ Ֆրանսիայի խորհրդարանում, որոնք համակարծիք են թուրքական պաշտոնական տեսակետին, ըստ որի՝ «խորհրդարանը պատմական հարցերի վերաբերյալ որոշումներ չպետք է կայացնի»:
