![\"\"](\"https://www.aravot.am/2011/aravot_arm/April/12/p1.jpg\")
Երեկ քաղաքապետարանում տեղի ունեցած աշխատանքային խորհրդակցության ժամանակ Երեւանի քաղաքապետ Կարեն Կարապետյանն անդրադարձել է Փ. Բուզանդի փողոցին հարող «Վերնիսաժի» տարածքում տիրող բարձիթողի իրավիճակին, որի ականատեսն անձամբ է եղել հանգստյան օրերին այնտեղ այցելելու ընթացքում: Կարեն Կարապետյանի դժգոհությունն ու զայրույթն են հարուցել կանաչ գոտիների հաշվին իրականացվող առեւտուրն ու շատրվանների եւ ընդհանրապես ողջ տարածքի ոչ պատշաճ սանիտարահիգիենիկ վիճակը: Ըստ այդմ, քաղաքապետը Կենտրոն վարչական շրջանի ղեկավարին հանձնարարել է խիստ վերահսկողություն իրականացնել եւ տարածքը վարձակալած տնտեսվարողին պարտադրել կատարել վարձակալական պայմանագրի պահանջները, բարեկարգել եւ կանաչապատել տարածքը: Եթե այդ՝ ընդհանոր առմամբ ճիշտ գնահատականներից արվեն հապճեպ վարչական հետեւություններ (այդ տոնավաճառը փակելու ուղղությամբ), ապա կառավարության շենքի մոտ կհայտնվեն եւս մի քանի հարյուր ցուցարարներ:
