![\"\"](\"https://www.aravot.am/2011/aravot_arm/April/8/p8.jpg\")
Կոսովոյում կառավարող կոալիցիան եւ գլխավոր ընդդիմադիր կուսակցությունը պայմանավորվել են նախագահի պաշտոնում միասնական թեկնածուի առաջադրման շուրջ: Նախագահը Ատիֆետե Յահյագուն (նկարում աջից) է լինելու, ով ներկայումս Կոսովոյի ոստիկանության ղեկավարներից է: Այդ մասին տեղեկացնում է news.am-ը: Նախագահի այս թեկնածուի շուրջ պայմանավորվածությունը ձեռք է բերվել Հաշիմ Տաչիի ղեկավարած Դեմոկրատական կուսակցության, «Դաշինք հանուն նոր Կոսովոյի» կուսակցության եւ ընդդիմադիր «Կոսովոյի դեմոկրատական լիգայի» միջեւ: Կողմերի միջեւ ձեռք բերված համաձայնագիրը ենթադրում է նաեւ երկրում սահմանադրական եւ ընտրական օրենսդրության բարեփոխում իրականացնել: Ակնկալվում է, որ նախագահական ընտրությունները կայանալու են վեց ամսվա ընթացքում, իսկ համընդհանուր ընտրությունները՝ 18 ամսվա:
Նշվում է, որ Յահյագուին ընտրել են որպես չեզոք թեկնածուի, ով կօգնի Կոսովոն դուրս բերել քաղաքական ճգնաժամից: Առաջիկա ընտրություններին իր թեկնածությունն է առաջադրելու նաեւ ազգությամբ թուրք Սուզան Նազիրբալը:
