Պորտուգալիայի վարչապետի ժամանակավոր պաշտոնակատար Ժոզե Սոկրատեշը հաղորդել է, թե իր երկիրը չորեքշաբթի օրը դիմել է Եվրամիությանը` երկրին արագ ֆինանսական օգնություն ցուցաբերելու խնդրանքով: BBC-ի մատուցմամբ, Սոկրատեշն ասել է, թե իր երկիրը «չափազանց մեծ ռիսկի է ենթարկվում եւ չի կարող անպաշտպան մնալ»:
Պորտուգալիայի կառավարությունը երկար ժամանակ դեմ էր նման օգնության դիմելուն, բայց անցած շաբաթ ստիպված էր եղել խոստովանել, որ չի կարողացել 2010թ. բյուջետային դեֆիցիտը բերել եվրագոտու պահանջներին համապատասխան մակարդակի:
Պորտուգալիան ԵՄ-ի աջակցությանն է դիմել` հետեւելով Հունաստանի եւ Իռլանդիայի օրինակին:
Եվրահանձնաժողովի նախագահ Ժոզե Բարրոզուն հայտարարել է, թե Պորտուգալիայի դիմումը կքննարկվի «առավելագույնս սեղմ ժամկետներում` գործող կանոններին համաձայն»:
