Ձերժինսկ քաղաքում ապրիլի 6-ին մեկնարկած հենաշարժողական համակարգի խնդիրներով մարզիկների Ռուսաստանի 2011 թվականի լողի բաց առաջնության մեկնարկային օրը Հայաստանը ներկայացնող Հաշմանդամային սպորտի հայկական ազգային ֆեդերացիայի երեք լողորդները հիանալի հանդես եկան: Առաջին օրվա արդյունքներով մեր մարզիկները նվաճեցին չորս մեդալ՝ մեկ ոսկե, երկու արծաթե եւ մեկ բրոնզե: Մարզիկները հաղթահարեցին 50 մետր լողատարածությունը՝ ազատ եւ 100 մետրը՝ բրաս լողաոճերով:
Ինչպես հայտնում է ՀՍՀԱՖ-ն, առաջնության երկրորդ օրը մեր մարզիկները պետք է մրցեին 50 մ թիկնալողում եւ 400 մ ազատ ոճում:
Ռուսաստանի 2011թ. լողի բաց առաջնութունն ընդգրկված է Միջազգային պարալիմպիկ կոմիտեի միջազգային մրցաշարերի ցանկում: Առաջնությանը մասնակցում են նաեւ ՌԴ 32 մարզերի եւ Ղազախստանի ավելի քան երեք հարյուր մարզիկներ:
