Էքս-լե-Բենում կայացած շախմատի եվրոպական միության գլխավոր համաժողովում որոշվել է, որ շախմատի 2013 թվականի Եվրոպայի առաջնությունը կկայանա Վարշավայում, Եվրոպայի ակումբների միջեւ 2012 թ. գավաթի խաղարկությունը՝ Իսրայելի Էյլաէ քաղաքում, իսկ եկող տարվա Եվրոպայի երիտասարդների առաջնությունը՝ Չեխիայի մայրաքաղաքում:
Հիշեցնենք, որ բոլորովին վերջերս Թուրքիայի շախմատի ֆեդերացիայի նախագահը պաշտոնական նամակով դիմել էր համաժողովի պատվիրակներին՝ ԵՇՄ նորընտիր նախագահ Սիլվիո Դանաիլովի՝ կամայական որոշումներ կայացնելու ցանկություններին տեղի չտալու առաջարկով՝ սպառնալով հակառակ դեպքում բուլղարացուն դատի տալ:
