ՆԱՏՕ-ն խոստացել է անել ամեն հնարավորը՝ լիբիական Միսուրատա պաշարված քաղաքում քաղաքացիական անձանց պաշտպանելու համար:
«Միսուրատան շարունակում է մնալ ՆԱՏՕ-ի թիվ մեկ խնդիրներից մեկը»,- BBC-ի փոխանցմամբ այդ մասին հայտարարել է Հյուսիսատլանտյան դաշինքի մամուլի խոսնակը՝ ի պատասխան լիբիացի ապստամբների առաջնորդի կողմից ՆԱՏՕ-ի հրամանատարությանն ուղղված քննադատությանը:
Լիբիայի առաջնորդ Մուամմար Քադդաֆիի բանակի նախկին գեներալ, իսկ այսօր ապստամբների կողմն անցած Աբդելֆատահ Յունիսը ՆԱՏՕ-ին նախատել է բյուրոկրատական քաշքշուկների համար: Նրա ասելով, եթե Դաշինքը անհապաղ օգնության չհասնի, ապա Միսուրատան ամենաուշը մեկ շաբաթից կլինի Քադդաֆիի ուժերի վերահսկողության տակ:
