Վայոց ձորի մարզպետարանից տեղեկացանք, որ Հայաստանի Հանրապետության անկախության 20-ամյակը մարզում կնշվի նաեւ ծառատունկով: Առաջին ծառերն արդեն տնկվել են. մարզպետն ու մարզպետարանի աշխատակիցները բարդիներ են տնկել Արփի-Եղեգնաձոր ճանապարհի «Կարմիր քար» կոչվող տարածքի ճամփեզրի երկայնքով: Ծառերի գերակշիռ մասը տնկվելու է հենց ճամփեզրերին: Նախատեսված 2500-ից մոտ 1900-ն արդեն տնկվել է Ելփին, Չիվա, Արենի, Արփի, Գետափ գյուղերի մատույցներում:
