Երեւանի քաղաքապետարանը մասնավոր ներդրողներին նոր հասարակական զուգարանների կառուցման ծրագիր է առաջարկում: Այս մասին հայտնում են քաղաքապետարանի մամուլի ծառայությունից:
Եվ եթե լինեն գործարարներ, որոնք ցանկություն կհայտնեն զուգարանի բիզնես անել, մայրաքաղաքի վարչական շրջաններում նրանց հասարակական զուգարաններ բացելու համար մինչեւ 20 քմ տարածք կտրամադրվի: Ընդհանուր առմամբ, զուգարանների համար 43 տեղ է հատկացված՝ տվյալ համայնքի մարդաշատ վայրերում: Նկատենք, որ մեր երկիր այցելող զբոսաշրջիկները պարբերաբար դժգոհում են զուգարանների պակասից, բացի այդ, մայրաքաղաքի գետնանցումները կդադարեն զուգարան լինելուց եւ այդուհետեւ կծառայեն իրենց բուն նպատակին:
